🪟 nasin lupa "Windows": o kama jo e ilo WinCompose. ilo nena li kepeken nena "R_ALT+U+NANPA"
🐧 nasin soweli "Linux": o pali e ala. ilo nena li kepeken nena "CTRL+SHIFT+U+NANPA"
🍎 nasin kili "Mac OS": o kama jo e nasin "Unicode Hex Input" lon ilo sona sina. ilo nena li kepeken nena "Option+NANPA"
nasin ante: ilo nena li ken pana e sitelen Lasin e sitelen UCSUR ala
o kepeken linja "USB". kepeken linja ni la ilo sona sina en ilo nena li kama wan. kin la ilo nena li kama jo e wawa
o pilin awen e nena pi nimi ala. sina pilin e ona la o weka ala e palisa luka sina. sina kama lon ma ni la sina ken anu e nasin. o anu e nasin sama nasin pi ilo sona sina:
sina ken anu e nasin kepeken nena "la". sina pini la o pilin e nena "pana"
o open e ilo sitelen lon ilo sona sina. o kepeken sitelen "FairFax HD". ni la sina ken pana e sitelen pona kepeken ilo nena a!
(ken) tenpo ali la sina kepeken ilo sona pi nasin sama la, sina ken pali e ni:
o weka e wawa tan ilo nena sina:
o pilin awen e nena "weka". o awen pilin e ona!
sina pilin awen e nena "weka" la o ni la o pana e wawa:
o anu e nasin kepeken nena "la" en nena "luka". sina pini la o pilin e nena "pana":
wawa li weka la sona pi nasin sina li weka ala
mi wile e ona!
o esun e ona tan esun Sate! :) mi jo e mani namako la ken la sina ken kama jo e ona kepeken mani ala.
kin la jan ali li ken lukin li ken ante e insa pi ilo nena. o lukin e ona lon ilo Github! sina ken pali e ona kepeken luka sina.
